Sidoey Koeningan

Blog urang sunda, kanggo urang sunda

Jam Pangbadagna saalam dunya aya di Mekah

Gambar Menara ‘Abraj Al-Bait’ anu di targetkeun rengse taun 2011.

Umat muslim saalam dunya tangtu ngarasa reueus kulantaran ayeuna keur di wangun jam anu dirancang jadi panggedena Sadunya anu lokasina aya di kota Mekah, Arab Saudi. Diameter jam di Arab Saudi krang leuwih 40 méter atawa leuwih badag ti jam pangbadagna di dunya ayeuna: jam Cevahir Mall di Istanbul, Turki, anu ngabogaan diameter 36 méter. Jam di Mekah kasebut baris ditempatkeun di deukeut Masjid Agung Mekah anu jadi puseur (kiblat) solat wajib pikeun para warga anu hayang solat berjamaah. Pangwangunan jam eta mangrupa lengkah pamarentah Arab Saudi pikeun menyedot leuwih loba deui jamaah tiap taun (haji jeung umroh).

Jam éta nyanghareup ka Masjid Agung Mekkah ti luhur gedong kadua pangluhurna di dunya sanggeus Burj Khalifa, di Dubai. Cenahmah menara éta anu dirarancang ku insinyur ti Jerman sarta Swiss, leuwih 600 méter jangkungna, atawa kira-kira genep kali ngaleuwihan luhur ti Big Ben, jam anu pohara kaceluk (terkenal) di London. Jam eta dilapisan ku 98 juta mosaik ti kaca. Unggal sisi baris dibere tulisan ‘Allahu Akbar’ dina basa Arab sarta dipasang rébuan lampu warna-warni. Jam eta bisa katingali jarak leuwih ti 25 kilométer.

Nurutkeun Kementerian Agama sarta Zakat Arab Saudi, proyék Jam Badag teh meakeun dana US$ 800 juta atawa Rp 7,16 triliun,… widiiih mun boga duit sakitu bisa di pake meuli naon tah,..hehe. Jam eta baris aya di luhur komplek tujuh menara anu diwangun ku Saudi Binladen Group.

asal: okezone, surya.co.id

Advertisements

23/08/2010 Posted by | Pangaweruh | 2 Pairan

TKI di Arab Saudi

kacaritakeun dihiji lembur aya hiji pamuda nu kakara balik jadi TKI di arab saudi, kabejakeun si eta pamuda teh mawa babawaan loba pisan keur oleh-oleh jang pamajikana dilembur, tayohna mah eta beja teh kadengeeun ku bangsat anu geus biasa ngaranjah eta lembur, panjang carita eta bangsat teh geus siap-siap erek ngajorag imah TKI tea engke peuting.

kacaritakeun eta bangsat teh geus ngadakom dina kenteng nunguan nu boga imah sare, sanggeus lila di tungguan nu boga imah teh can sare wae kadon hayeuh ngobrol terus sosonoan dapuguh geus lila tea teu panggih.

sibangsat geus teu kuat cangkeuleun nungguan bari ngadedengekeun nuboga imah, bari pok salakina ngomong ka pajikan na salakina: euh nyi meni liket asa ketan kieu. ceuk salakina…
pamajikan na seuri bari ngarangul… ngadenge kitu sibangsat anu geus lila nungguan beuki keuheul wae atuh, jrut manehna turun tina suhunan bari pok ngomong “oncoman we sakalian ajig….bari dirigdig lumpat si bangsat teh. teu kosi lila eta bangsat teh balik deui bari ” jedak…najong bilik manehna ngomong deui dasar ulen siah… dirigdig deui we eta sibangsat teh lumpat

Asal : ketawa.com

23/08/2009 Posted by | Bobodoran | Tunda talatah

Posting Munggaran

Bismillahirrahmanirrahim,

Dina sela sela kasibukan aktipitas sapopoe sim abdi nyobi ngaluangkeun waktos kanggo nulis sakecap dua kecap anu mugi mugi tiasa ngaleungitheun hanaang diri sareng kasonoan kana kecap kecap dina basa sunda anu jarang di kecapkeun dina kahirupan sapopoe

20/08/2009 Posted by | Asal Nyerat | Tunda talatah